| ដំណើរការ | រូបភាពកោសិកាកូន | ការបាញ់បញ្ចូលកោសិកាកូនទៅក្នុងស្បូន |
ដើម្បីបាញ់បញ្ចូលមេជីវិតឈ្មោលទៅក្នុងមេជីវិតញី គ្រូពេទ្យនឹងដកយកសម្បកកោសិកាកូនចេញ និងវាយតម្លៃអាយុកាល និងគុណភាពរបស់កោសិកាកូននោះ។ អាយុកាលនៃកោសិកាកូនគឺសំខាន់ ព្រោះមានតែកោសិកាកូនដែលទុំតែប៉ុណ្ណោះដែលអាចបង្កកំណើតបាន។ បច្ចេកទេសគឺធ្វើឡើងដោយ ការបាញ់បញ្ចូលមេជីវិតឈ្មោលតែមួយគត់ដោយផ្ទាល់ទៅក្នុង
ស៊ីតូប្លាសនៃស៊ុតទុំ។ តាមធម្មតា បច្ចេកទេសនេះត្រូវប្រើប្រាស់លើអតិថិជនមានបញ្ហាមួយក្នុងចំណោមបញ្ហាដូចខាងក្រោម៖
- កត្តាលំបាកមានកូនរបស់បុរស
- កត្តាការថយចុះចំនួនអូវុល
- កត្តាអាយុម្តាយច្រើន
- កត្តាការបង្កកំណើតចុះខ្សោយដោយសារការបាញ់បញ្ចូលមេជីវិតឈ្មោលក្នុងស្បូន
ការព្យាបាលការលំបាកមានកូនរបស់បុរស
សារៈសំខាន់នៃការវាយតម្លៃលម្អិត ទៅលើដៃគូទាំងពីរដែលកំពុងមានទំនាក់ទំនងជាមួយគ្នាមិនអាចវាយតម្លៃហួសពីការពិតនោះឡើយ។ កត្តាបុរសមានចំនួន ៣០%-៥០% នៃបញ្ហាការលំបាកមានកូនរបស់អតិថិជន។
ការវិភាគទឹកកាម
ការវិភាគមេជីវិតឈ្មោលធ្វើឡើងទៅលើសំណាកទឹកកាមដែលបញ្ចេញមកក្រៅ និងត្រូវបានប្រមូលទុកបន្ទាប់ពីការសម្រេចកាមដោយដៃ។ ជាការល្អបំផុតនោះ ការវិភាគមេជីវិតឈ្មោលត្រូវយកមេជីវិតឈ្មោលពីអតិថិជនដែលមិនមានសកម្មភាពផ្លូវភេទរយៈពេលចាប់ពី ២ថ្ងៃ ទៅ ៥ថ្ងៃ។ ការធ្វើតេស្ដនេះអាចមានលទ្ធផលមិនត្រឹមត្រូវ ប្រសិនបើអតិថិជនទើបតែបញ្ចេញមេជីវិតឈ្មោលថ្មីៗដែលតិចជាងរយៈពេលពីរថ្ងៃ (ចំនួនមេជីវិតតិចពេក) ហើយប្រសិនបើអតិថិជនមិនបានបញ្ចេញមេជីវិតឈ្មោលអស់រយៈពេលជាយូរណាស់មកហើយ (ធ្វើឱ្យមេជីវិតឈ្មោលស្លាប់ច្រើនពេក)។ សំណាកទឹកកាមត្រូវបានយកទៅមន្ទីរពិសោធន៍ ដើម្បីធ្វើការវិភាគសម្រាប់ប៉ារ៉ាម៉ែត្រខុសៗគ្នាជាច្រើន ដូចជាបរិមាណទឹកកាមរំអិល ចំនួនមេជីវិតឈ្មោល ចលនាមេជីវិតឈ្មោល (ភាគរយនៃមេជីវិតឈ្មោលដែលធ្វើចលនា) និងរូបរាងរបស់មេជីវិតឈ្មោល (ទម្រង់ និងរូបរាងនៃមេជីវិតឈ្មោល)។ លទ្ធផលតេស្តអាចខុសគ្នាពីតេស្តមួយទៅតេស្តមួយទៀត បើទោះជាធ្វើឡើងទៅលើបុរសតែម្នាក់ក៏ដោយ ហើយជួនកាលត្រូវការធ្វើតេស្តសាឡើងវិញ។
វ៉ារីកូសែល (Varicocele)
ជារឿយៗ អតិថិជនត្រូវពិគ្រោះយោបល់ជាមួយអ្នកជំនាញផ្នែកមូត្រសាស្ត្រ បន្ទាប់ពីទទួលបានលទ្ធផលនៃវិភាគមេជីវិតឈ្មោល។ ភាពមិនប្រក្រតីដែលអ្នកជំនាញផ្នែកមូត្រសាស្ត្ររកឃើញញឹកញាប់បំផុតគឺ “វ៉ារីកូសែល”។ វ៉ារីកូសែល គឺជាការឡើងហើមប៉ោងនៃសរសៃវ៉ែននៅជុំវិញពងស្វាស ដែលបង្កើនសីតុណ្ហភាពនៅក្នុងពងស្វាស និងអាចធ្វើឱ្យប៉ះពាល់ដល់ដំណើរការផលិតមេជីវិតឈ្មោល។ ការព្យាបាលបញ្ហាវ៉ារីកូសែល គឺតាមរយៈការវះកាត់តូចមួយ។ វីធីសាស្ត្រនេះ គឺប្រើប្រាស់ដើម្បីចងសរសៃវ៉ែនប៉ោង ជួយបង្កើនរំហូរឈាមនៅជុំវិញពងស្វាស។
ការទាញយកមេជីវិតឈ្មោល
នៅពេលបុរសម្នាក់មានមេជីវិតឈ្មោលតិចតួច ឬគ្មានសោះនៅក្នុងទឹកកាមរបស់គាត់ គេអាចប្រើវិធីសាស្ត្រទាញយកមេជីវិតឈ្មោលពីពងស្វាស ឬបំពង់អេពីឌីឌីម។ នេះជាវិធីសាស្ត្រដែលអ្នកជំនាញផ្នែកមូត្រសាស្ត្រអនុវត្ត។ មេជីវិតឈ្មោលដែលទទួលបានតាមវិធីនេះ អាចត្រូវបានរក្សាទុកសម្រាប់ប្រើប្រាស់នៅពេលក្រោយ ឬប្រើប្រាស់នៅក្នុងវដ្ត IVF។