ប្រព័ន្ធបន្តពូជរបស់ស្ត្រី គឺស្មុគស្មាញណាស់ ហើយជំងឺអាចកើតឡើងនៅផ្នែកជាច្រើននៃប្រព័ន្ធនេះ។
- បញ្ហាទាក់ទងការធ្លាក់មេជីវិតញី (ការបញ្ចេញមេជីវិតញីពីអូវែ) ៖ អាយុកើនរបស់ស្ត្រី និងការផលិតមេជីវិតញីតិចអាចបង្កឱ្យមានការលំបាកមានកូន។ ភាពមិនទៀងទាត់នៃការធ្លាក់មេជីវិតញីដែលមានសុខភាពល្អក៏ជាហេតុធ្វើឱ្យស្ត្រីលំបាកមានផ្ទៃពោះផងដែរ។ បញ្ហានេះ ក៏អាចកើតមាននៅលើស្ត្រីវ័យក្មេងដែលមានគីសអូវែផងដែរ។ ភាពតានតឹងក្នុងអារម្មណ៍ និងការហាត់ប្រាណហួសហេតុក៏អាចប៉ះពាល់ដល់ដំណើរមេជីវិតញី។ អ្នកជំងឺប្រហែល១ភាគ៣ មានដំណើរមេជីវិតញីខុសប្រក្រតី។
- បញ្ហាសរីរាង្គ៖ ជំងឺរលាកសរីរាង្គក្នុងអាងត្រគាក អាចធ្វើឱ្យដៃស្បូនស្ទះ ឬខូច។ យើងនឹងពិនិត្យស្បូន និងដៃស្បូន ដើម្បីស្វែងរក ការដុះភ្នាសសើមក្រៅស្បូន ដុំសាច់ និងសម្លាក។ បញ្ហាអ្វីក៏ដោយដែលប៉ះពាល់ដល់ដៃស្បូន ដែលជាផ្លូវផ្លាស់ទីរបស់មេជីវិតញីអាចបណ្តាលឱ្យស្ត្រីលំបាកមានកូន។ កត្តាហានិភ័យដែលមានដូចជាភាពមិនប្រក្រតីនៃរូបរាងស្បូន និងការធ្លាប់មានជំងឺកាមរោគ ឬរោគឆ្លងជាដើម។
- ការលំបាកមានកូនដែលមានមូលហេតុមិនច្បាស់លាស់៖ រឿងដែលគួរឱ្យស្រងាកចិត្តបំផុត គឺគ្រូពេទ្យមិនអាចធ្វើរោគវិនិច្ឆ័យស្វែងរកមូលហេតុពិតប្រាកដនៃការលំបាកមានកូន។ ក្នុងករណីនេះ មន្ទីរសម្រាកព្យាបាលកម្ពុជានឹងអនុវត្តផែនការព្យាបាលលើមូលហេតុច្រើនយ៉ាង។